രാവിലെ നടക്കാനിറങ്ങിയപ്പോള്‍
വള്ളി കാലില്‍ചുറ്റി.
തടിച്ചുരുണ്ട നീളന്‍വള്ളി.
അരികിലെ കല്ലില്‍ കത്തിരാകിയ പാട്.
വിയര്‍ത്തു വിടര്‍ന്ന മുല്ലക്കുമേല്‍,
രക്തക്കറയുടെ ചിത്രരേഖ.
കാല്കീഴിലെ തൊട്ടാവാടി തലതാഴ്ത്തിയുറങ്ങി.
പാതയുറക്കമാണ്...!!!!!???
കാലടികള്‍ക്ക്, എത്ര അകെലെയാണ്
എന്‍റെ ലക്ഷ്യം??
കണ്ണുകള്‍ക്ക്‌, എത്ര ദൃഷ്ട്ടിക്കപ്പുറത്താണ്,
എന്‍റെ ലക്ഷ്യം??
നിര്‍ജീവമായ വടവൃക്ഷത്തിനുമേല്‍
തൂങ്ങിയാടുന്ന വവ്വാല്‍ കൂട്ടം.
ഗര്‍ത്തമായ നിദ്രയില്‍ ,
ചിതറിവീണ സ്വപ്നത്തുണ്ടുകളെന്‍
നിശ്വാസമേറ്റു പറന്നിടുമ്പോള്‍-
ഞാന്‍ വീണ്ടുമെന്‍ കാരാഗൃഹത്തിന്‍
ഇരുണ്ടമൂലയില്‍ കാത്തിരിപ്പൂ
നാളയുടെ ഉണര്‍ന്ന ഉഷസിനായി..
No comments:
Post a Comment